Yangiliklar

So‘zgirda nima o‘zgardi — eng yangisidan boshlab. Faqat odam sezadigan o‘zgarishlar.

Ro‘yxatda saytdagi va ilovadagi o‘zgarishlar sanasi bilan turadi: yangi o‘yin rejimlari, nishonlar, aqcha islohoti, jangdagi tuzatishlar.

Yangilanishlar

So‘z yashirish cheklovsiz, turnir va reyting yangi ko‘rinishda

2026-10-29 — ikkisi

Yashirilgan so‘z endi siz yopmaguningizcha ochiq turadi va ochiq so‘zlar soni chegaralanmaydi — ilgari beshta va bir kun edi. Reyting podiumi va turnir ochish oynasi qayta chizildi, klaviatura tugmalari kattalashdi.

• Yashirilgan so‘z: muddat yo‘q, ochiq so‘zlar soni cheklanmaydi, holat yorliq bilan
• Yarmida qoldirilgan so‘zga qaytganda tergan harflar ko‘rinadi, javob natija ekranida ochiladi
• Reyting podiumi bitta sahnada: o‘rin nishoni avatarda, g‘olibda kubok
• Turnir ochish oynasi: o‘yin va sig‘im plitkalari, har sig‘imda necha davra
• Turnir ustamalari 5 / 10 / 15 aqcha — kunlik so‘z va Yangso‘z bilan bir shkalada
• Odam ochgan turnir ham ochiq lentada chiqadi va to‘ladi
• G‘unchada rad etilgan so‘zni taklif qilish ishlaydi: o‘yin lug‘atida bor so‘z ham qabul qilinadi
• Ijtimoiy tarmoq havolangizni kim bosganini «Ko‘rganlar» da ko‘rasiz (ilova)
• Klaviatura tugmalari kattaroq — ilovada ham, saytda ham

Hisob yagona: o‘lja ham aqcha bo‘ldi

2026-10-10 — sayt

Saytda ikkita hisob birligi bor edi: yig‘ilgan «aqcha» va onlayn jangdagi «o‘lja». Ikkinchi nom faqat chalkashtirardi — son o‘sha-o‘shaligicha qoldi, endi u ham aqcha deb ataladi va o‘z belgisi bilan chiqadi. Ilovada bu allaqachon shunday edi.

• Jang natijasidagi «Reyting ±6» o‘rnida aqcha belgisi va o‘sha shkaladagi son
• Turnir to‘rida guruh nomi rost: «5–8-o‘rinlar», «Final», «3-o‘rin uchun»
• Guruh holati ko‘rinadigan bo‘ldi: ketayotgani yashil, tugagani jim
• Turnir jangida yon ustun — boshqa guruhlarning jonli jadvali

Sayt o‘yindan boshlanadi

2026-09-20 — sayt

Bosh sahifada endi birinchi ekranda taxta turadi: o‘ynash uchun hech qayerga o‘tish va hech narsani surish kerak emas. Tanishtiruv matni o‘yin ostiga tushdi.

• Javoblar arxivi: bugungi so‘z spoyler ostida, ostida o‘tgan kunlar
• Har uzunlik uchun o‘z sahifasi: 4, 5, 6 va 7 harfli so‘zlar
• Qo‘llanma: birinchi so‘z, taktika va o‘zbek alifbosidagi qiyin joylar
• Bosh sahifada «bugun necha kishi o‘ynadi» — haqiqiy sanoq

Nishonlar va tasdiqlangan hisob

2026-09-20 — sayt

Ilovadagi yigirmata nishon saytga ham keldi va tasdiqlangan hisoblar ro‘yxati endi ikkala platformada bitta joydan o‘qiladi.

• Nishonlar sahifasi va o‘yin yonidagi kartochka
• Tasdiqlangan hisobga reklama ko‘rsatilmaydi, profili premium ko‘rinishda ochiladi
• Jadvaldagi son endi boylik: ball va o‘lja ustamasi qo‘shilgan
• Taslimdan keyin natija ekrani ochiladi, lobbi emas

Ilovada nishonlar (1.4.2)

2026-09-19 — ilova

Yigirmata nishon: kunlik ketma-ketlik, topilgan so‘zlar, jangdagi g‘alabalar va o‘yinning boshqa burchaklari uchun. Nishon bir marta olingach qaytarib olinmaydi.

• Jang: kunlik reyting chegarasi olib tashlandi
• Raqibning soati o‘yinchi bilan birga boshlanadi
• Taslim bo‘lgan odam raqibni kutib o‘tirmaydi

Ball aqchaga, reyting o‘ljaga aylandi

2026-09-18 — ikkisi

Sonlar o‘n barobar qisqardi va nom oldi: yig‘ilgan hisob endi aqcha, onlayn jang reytingi esa o‘lja. Saqlangan natijalarga tegilmadi — 5 980 ball 598 aqcha bo‘lib ko‘rinadi, xolos.

Mardu maydon va bitta ekranga sig‘adigan o‘yin

2026-09-17 — sayt

Sakkiz kishilik maydon saytda ham o‘ynaladi. Telefonda esa taxta va klaviatura bitta ekranga sig‘adi — o‘ynash uchun surish kerak emas.

Har manzil o‘z sahifasi bilan

2026-09-16 — sayt

Ilgari qidiruv roboti va ulashilgan havola butun saytni bitta bo‘sh sahifa deb ko‘rardi. Endi har manzil o‘z sarlavhasi, tavsifi va matni bilan keladi.

G‘uncha saytda

2026-09-12 — sayt

Yettita harfdan so‘z yig‘ish: kunlik g‘uncha, mashq va g‘uncha jangi. Telefon raqam bilan kirish ham shu kuni qo‘shildi.

Uch alifbo: lotin, yangi lotin va kirill

2026-09-11 — sayt

Butun sayt tanlangan yozuvda ko‘rinadi — sarlavhadagi «O‘» tugmasi orqali. Tanlov brauzerda saqlanadi.